ໂຄງການຊ່ວຍເຫລືອດ້ານກົດໝາຍຂອງສະພາທະນາຍຄວາມ

ໂຄງການຊ່ວຍເຫລືອດ້ານກົດໝາຍຂອງສະພາທະນາຍຄວາມພະຍາຍາມຍົກລະ
ດັບການເຂົ້າເຖິງລະບົບຍຸຕິທຳແກ່ປະຊາຊົນທົ່ວໄປດ້ວຍການໃຫ້ຄຳປຶກສາ
ໂດຍບໍ່ເສຍຄ່າຢູ່ຕາມບັນດາຫ້ອງການຊ່ວຍເຫລືອດ້ານກົດໝາຍຕ່າງໆ.

ນອກຈາກນັ້ນ, ໂຄງການຊ່ວຍເຫລືອດ້ານກົດໝາຍຂອງສະພາທະນາຍຄວາມມີ
ເປົ້າໝາຍໃຫ້ການຊ່ວຍເຫລືອປະຊາຊົນຜູ້ທຸກຍາກແລະຜູ້ດ້ອຍໂອ
ກາດແລະອານະຖາໃນສັງຄົມທີ່ຂາດເຂີນດ້ານການ
ເງິນ, ພຸມລຳເນົາ ຫລື ທີ່ມີອຸປະສັກອື່ນໆໃນການເຂົ້າເຖິງການບໍລິການດ້ານກົດໝາຍ,
ແລະ/ ຫລື ບໍ່ ສາມາດໄດ້ຮັບການຕາງໜ້າດ້ານກົດໝາຍ. ເອກະສານທີ່ກ່ຽວຂ້ອງກັບໂຄງການ
ດັ່ງກ່າວແມ່ນມີຢູ່ [ທີ່ນີ້]

1. ການຊ່ວຍເຫລືອດ້ານກົດໝາຍແມ່ນຫຍັງ ?
ການຊ່ວຍເຫລືອດ້ານກົດໝາຍຂອງສະພາທະນາຍຄວາມແມ່ນການສະໜອງກ່ຽວກັບ
ການໃຫ້ຄຳປຶກສາດ້ານກົດໝາຍໂດຍບໍ່ເສຍຄ່າໂດຍສະມາຊິກສະພາທະນາຍ
ຄວາມແກ່ປະຊາຊົນຜູ້ທີ່ຮ້ອງຂໍເອົາການຊ່ວຍເຫລືອດ້ານກົດໝາຍ.

2. ໃຜສາມາດຮັບການຊ່ວຍເຫລືອດ້ານກົດໝາຍ ?
ປະຊາຊົນທີ່ຕ້ອງການຮັບເອົາການຊ່ວຍເຫລືອດ້ານກົດໝາຍສາມາດເຂົ້າຫາຫລື
ຕິດຕໍ່ກັບຫ້ອງການການຊ່ວຍເຫລືອດ້ານກົດໝາຍຂອງສະພາທະນາຍຄວາມຫ້ອງການໃດ
ຫ້ອງການໜຶ່ງກໍໄດ້ (ກຳນົດຢູ່ຂ້າງລູ່ມນີ້) ແລະປຶກສາຫາລືບັນຫາຂອງເຂົາ
ເຈົ້າກັບສະມາຊິກສະພາທະນາຍຄວາມ, ຜູ້ທີ່ຈະໃຫ້ຂໍ້ແນະ ນຳກັບທີ່ໂດຍອີງໃສ່
ປະສົບການທີ່ເຂົາມີແລ້ວ, ນອກຈາກນັ້ນ, ບັນດາບຸກຄົນຫລືກຸ່ມຄົນຜູ້ທີ່ໄດ້
ຖືກຮັບຮູ້ຈາກສະພາທະນາຍຄວາມວ່າເປັນຜູ້ທີ່ບໍ່ສາມາດເຂົ້າ
ເຖິງຫລືມີອຸປະສັກຂັດຂວາງບໍ່ສາມາດເຂົ້າເຖິງການບໍລິການດ້ານກົດກົດໝາຍໄດ້
ເຊັ່ນຜູ້ທຸກຍາກແລະຜູ້ດ້ອຍໂອກາດ ແລະຄົນອານະຖານັ້ນຈະໄດ້ຮັບການຕາງໜ້າ
ດ້ານກົດໝາຍເພື່ອແກ້ໄຂບັນຫາດ້ານກົດໝາຍໃຫ້ແກ່ເຂົາເຈົ້າ. ເພື່ອຮັບ
ປະກັນໃຫ້ລະບຽບກົດໝາຍໃຫ້ໄດ້ຮັບການສ້າງຕັ້ງຢູ່ສປປລາວຢ່າງແໜ້ນໜາ
ໃນນັ້ນມີຄວາມຮຽກຮ້ອງຕ້ອງການອັນ ໃຫຍ່ຫລວງຕໍ່ກັບບຸກຄົນເຫລົ່ານີ້ເພື່
ອໃຫ້ເຂົາເຈົ້າໄດ້ເຂົ້າເຖິງການບໍລິການດ້ານກົດໝາຍໂດຍບໍ່ເສຍຄ່າດັ່ງນັ້ນ
ໂຄງການໃຫ້ການຊ່ວຍເຫລືອດ້ານກົດເໝາຍຂອງສະພາທະນາຍຄວາມມີຄວາມຍິນດີໃນ
ການໃຫ້ການຊ່ວຍເຫືລອທາງດ້ານກົດໝາຍແກ່ປະຊາຊົນຜູ້ທຸກຍາກ, ຜູ້ດ້ອຍໂອກາດແລະ
ຄົນອານະຖາ.

ການໃຫ້ການບໍລິການດ້ານກົດໝາຍໂດຍບໍ່ເສຍຄ່ານີ້ແມ່ນແນໃສ່ບັນດາຜູ້ຊາຍ,
ແມ່ຍິງແລະເດັກ ນ້ອຍ ຜູ້ທີ່ມີຄວາມຕ້ອງການຄຳປຶກສາດ້ານກົດໝາຍ
ແລະ/ຫລື ຕ້ອງການຢາກໄດ້ຜູ້ຕາງໜ້າໃນສານ ຫລືໃນກໍລະນີອື່ນໆ.
ໂຄງການໃຫ້ການຊ່ວຍເຫລືອດ້ານກົດໝາຍແມ່ນການບໍລິການດ້ານກົດໝາຍໂດຍ
ສະເພາະແມ່ນເນັ້ນໃສ່ໃນຄະດີແພ່ງ, ຄະດີອາຍາແລະຄະດີຄອບຄົວ.
ບັນຫາດ້ານກົດໝາຍຫລືຂໍ້ຂັດແຍ່ງ ອາດຈະກ່ຽວກັບບັນຫາເຊັ່ນການຢ່າຮ້າງ,
ການລ້ຽງດູເບິ່ງແຍງ, ການຄຸ້ມຄອງເດັກ,ການຂົ່ມຂືນທຳສຳເລົາ,
ການໃຊ້ຄວາມຮຸນແຮງພາຍໃນຄອບຄົວ, ການຄ້າມະນຸດ ແລະອາຊະຍາກຳ ອຶ່ນໆ ຯລຯ.

3. ການຊ່ວຍເຫລືອດ້ານກົດໝາຍທີ່ບໍ່ເສຍຄ່າມີຢູ່ໃສແດ່ ?
ເຄືອຂ່າຍຂອງສຳນັກງານສະພາທະນາຍຄວາມ - ການໃຫ້ການບໍລິການດ້ານກົດໝາຍໂດຍບໍ່
ເສຍຄ່າໂດຍໜ່ວຍຕ່າງໆຂອງສະພາທະນາຍຄວາມຂັ້ນແຂວງ

ສະພາທະນາຍຄວາມມີເຄືອຂ່າຍຂອງສະພາທະນາຍຄວາມທີ່ໃຫ້ການບໍລິການ
ຊ່ວຍເຫລືອດ້ານກົດໝາຍ.ໃນນີ້ປະກອບດ້ວຍ 9 ໜ່ວຍໃນທົ່ວວຽງຈັນ.
ແຕ່ລະໜ່ວຍໃຫ້ການບໍລິການດ້ານກົດໝາຍໂດຍບໍ່ເສຍຄ່າ. ລາຍລະອຽດດ້ານການພົວພັນສຳລັບຫ້ອງ
ການໜ່ວຍເຫົ່ລານີ້ມີໃນບັນຊີ [ທີ່ນີ້].

ຫ້ອງການຊ່ວຍເຫລືອດ້ານກົດໝາຍ -ວຽງຈັນ
ການຊ່ວຍເຫລືອດ້ານກົດໝາຍທີ່ບໍ່ເສຍຄ່າຂອງສະພາທະນາຍຄວາມແມ່ນໃຫ້ການບໍ
ລິການໂດຍຫ້ອງການຊ່ວຍເຫລືອດ້ານກົດໝາຍທີ່ວຽງຈັນເຊິ່ງປັດຈຸບັນມີຢູ່ ສຳນັກງານຂອງສະພາທະນາຍຄວາມທີ່ສານປະຊາຊົນ ນະຄອນຫລວງວຽງຈັນ. ຫ້ອງການຊ່ວຍເຫລືອດ້ານກົດໝາຍທີ່ວຽງ
ຈັນສາມາດຕິດຕໍ່ໄດ້ໂດຍຜ່ານລາຍລະອຽດທີ່ມີບັນຊີ [ທີ່ນີ້].

ຫ້ອງການໃຫ້ການຊ່ວຍເຫລືອດ້ານກົດໝາຍທີ່ວຽງຈັນຍັງຈັດໃຫ້ການບໍ່ລິການທາງໂທລະ
ສັບສາຍກົງທຸກວັນ ເສົາແຕ່ 4 ໂມງແລງ ຮອດ 5 ໂມງແລງເຊິ່ງປະຊາຊົນທົ່ວໄປສາມາດ
ຮັບເອົາການບໍລິການດ້ານກົດໝາຍໄດ້. ໝາຍເລກໂທລະສັບສາຍກົງສາມາດຕິດຕໍ່
ໄດ້ໂດຍຜ່ານລາຍລະອຽດທີ່ມີບັນຊີ [ທີ່ນີ້].

ຫ້ອງການໃຫ້ການຊ່ວຍເຫລືອດ້ານກົດໝາຍໂດຍບໍ່ເສຍຄ່າທີ່ແຂວງຈຳປາສັກ
ແລະແຂວງອຸດົມໄຊກໍໄດ້ຮັບ ການສ້າງຕັ້ງເມື່ອບໍ່ດົນມານີ້.
ລາຍລະອຽດໃນການພົວພັນຫ້ອງການເຫລົ່ານີ້ມີບັນຊີ [ທີ່ນີ້ ].

ຫ້ອງການຊ່ວຍເຫລືອດ້ານກົດໝາຍເຄື່ອນທີ່ວຽງຈັນ
ການຊ່ວຍເຫລືອດ້ານກົດໝາຍຂອງສະພາທະນາຍຄວາມຍັງຈັດໃຫ້ການບໍລິການໂດຍຜ່ານ
ຫ້ອງການຊ່ວຍ ເຫລືອດ້ານກົດໝາຍເຄື່ອນທີ່ເຊິ່ງໄດ້ເລີ່ມຕົ້ນລົງໄປເຄື່ອນໄຫວ
ກິດຈະກຳຂອງຕົນຕາມບ້ານຕ່າງໆຢູ່ອ້ອມ ແອ້ມນະຄອນຫລວງວຽງຈັນແຕ່ເດືອນພະຈິກ 2008.
ຖ້າທ່ານມີຈຸດປະສົງໃຫ້ຫ້ອງການລົງໄປຍັງບ້ານຂອງພວກທ່ານ
ເຊີນໂທໄປຍັງຫ້ອງການຊ່ວຍ ເຫລືອດ້ານກົດໝາຍຂອງສະພາທະນາຍຄວາມ ວຽງຈັນ
ຕາມລາຍລະອຽດ [ທີ່ນີ້ ] ຫລື ຕິດຕໍ່ອຳນາດການປົກຄອງບ້ານຂອງ ທ່ານ.

4. ການຊ່ວຍເຫລືອດ້ານກົດໝາຍ - ການຈັດພະນັກງານແລະການບໍລິຫານ
ໃນປັດຈຸບັນວຽກງານການຊ່ວຍເຫລືອດ້ານກົດໝາຍແມ່ນໄດ້ຮັບການຄວມຄຸມດູແລໂດຍຜູ້ຈັດ
ການຫ້ອງການໃຫ້ການຊ່ວຍເຫລືອດ້ານກົດໝາຍແລະອາສາສະໝັກສາກົນ. ການຊ່ວຍເຫລືອ
ດ້ານກົດໝາຍແມ່ນອາໄສການສະໜັບສະໜຸນຂອງສະມາຊິກສະພາທະນາຍຄວາມ.ນອກຈາກ
ນັ້ນວຽງກງານການຊ່ວຍເຫລືອດ້ານກົດໝາຍຍັງໄດ້ຕີລາຄາສູງຕໍ່ກັບການມີສ່ວນຮ່ວມຂອງທະ
ນາຍຄວາມຝຶກຫັດ ແລະ ນັກສຶກສາຈາກຄະນະນິຕິສາດ ແລະລັດຖະສາດ, ມະຫາວິທະຍາໄລ
ແຫ່ງຊາດເຊິ່ງໃຫ້ການສະໜັບສະໜຸນແກ່ທະນາຍຄວາມທີ່ໃຫ້ການຊ່ວຍເຫລືອຕາມຄວາມສາ
ມາດຂອງຕົນໃຫ້ແກ່ທະນາຍຄວາມຜູ້ທີ່ປະຕິບັດໜ້າທີ່ດັ່ງກ່າວ.

ສຳລັບຂໍ້ມູນຂ່າວສານເພີ່ມເຕີມກ່ຽວກັບການເປັນອາສາສະໝັກໃຫ້ເບິ່ງ [ທີ່ນີ້].

5.ບົດບາດຂອງອະນຸກຳມະການດ້ານການຊ່ວຍເຫລືອດ້ານກົດໝາຍ
ອະນຸກຳມະການດ້ານວຽກງານໃຫ້ການຊ່ວຍເຫລືອດ້ານກົດໝາຍຮັບຜິດຊອບໃນການປະສານ
ງານກິດຈະກຳຂອງການຊ່ວຍເຫລືອດ້ານກົດໝາຍ ແລະໃຫ້ຄຳແນະນຳສຳລັບການປະຕິບັດ
ໂຄງການດັ່ງກ່າວໃຫ້ມີປະສິດຕິຜົນ

6. ການໃຫ້ການສະໜັບສະໜຸນ (ການບໍລິຈາກ)
ໂຄງການໃຫ້ການຊ່ວຍເຫລືອດ້ານກົດໝາຍຍິນດີຕ້ອນຮັບເອົາການປະກອບສ່ວນຈາກທຸກພາກ
ສ່ວນຂອງສັງຄົມ, ບໍລິສັດຫ້າງຮ້ານແລະຜູ້ທີ່ໃຫ້ຄວາມສົນໃຈໃນການໃຫ້ການຊ່ວຍເຫລືອທາງ
ດ້ານກົດໝາຍແກ່ປະຊາຊົນລາວຜູ້ທຸກຍາກ, ຜູ້ທີ່ດ້ອຍໂອກາດແລະຄົນອານະຖາທີ່ມີບັນຫາ
ທາງດ້ານກົດໝາຍ.
ສຳລັບຂໍ້ມູນຂ່າວສານເພີ່ມເຕີມ,ເຊີນຕິດຕໍ່ກັບຫ້ອງການຊ່ວຍເຫລືອດ້ານກົດໝາຍຫ້ອງ
ການວຽງຈັນຕາມລາຍລະອຽດ [ທີ່ນີ້].

7. ການຮ່ວມມື
ໂຄງການໃຫ້ການຊ່ວຍເຫລືອດ້ານກົດໝາຍດຳເນີນກິດຈະກຳຂອງຕົນໂດຍການຮ່ວມມືກັບຂະ
ແໜງຍຸຕິທຳ, ກຸ່ມແມ່ຍິງແລະເດັກນ້ອຍແລະບັນດາອົງການຈັດຕັ້ງ,
ບັນດາຜູ້ໃຫ້ການຊ່ວຍເຫລືອ ແລະອົງການຈັດຕັ້ງສາກົນທາງສັງຄົມ.

ໂຄງການໃຫ້ການຊ່ວຍເຫລືອດ້ານກົດໝາຍຍັງສະແຫວງຫາການຮ່ວມມືກັບບັນດາອົງກາ
ນຈັດຕັ້ງກ່ຽວກັບການໃຫ້ການຊ່ວຍເຫລືອດ້ານກົດໝາຍ, ສະມາຄົມທະນາຍຄວາມ ແລະບໍລິສັດ
ໃຫ້ການບໍລິການດ້ານກົດໝາຍໃນຂົງເຂດສະມາຄົມອາຊຽນແລະໃນຂົງເຂດອື່ນໆ..

ສະພາທະນາຍຄວາມຢາກໄດ້ຍິນຈາກຜູ້ໃດກໍຕາມທີ່ຕ້ອງການຢາກເຮັດວຽກຮ່ວມກັບໂຄງ
ການໃຫ້ການຊ່ວຍເຫລືອດ້ານກົດໝາຍຂອງສະພາທະນາຍຄວາມຫລືສາມາດໃຫ້ໂອກາດໃນ
ການຝຶກອົບຮົມຫລືດ້ານການສຶກສາໃຫ້ແກ່ໂຄງການໃຫ້ການຊ່ວຍເຫລືອດ້ານກົດໝາຍ
ຂອງສະພາທະນາຍຄວາມ.ສຳລັບຂໍ້ມູນເພີ່ມເຕີມ,ເຊີນຕິດຕໍ່ສະພາທະນາຍຄວາມຕາມ
ລາຍລະອຽດດ້ານການຕິດຕໍ່ [ທີ່ນີ້].

ຄຳຖາມທີ່ຖາມມາເລື້ອຍໆ
ຖ. ມີເງື່ອນໄຂແນວໃດຈຶ່ງມີສິດໄດ້ຮັບການຊ່ວຍເຫລືອດ້ານກົດໝາຍ?
ຕ. ປະຊາຊົນທົ່ວໄປສາມາດໄດ້ຮັບຄຳປຶກສາດ້ານກົດໝາຍໂດຍບໍ່ເສຍຄ່າທີ່ຫ້ອງການ
ຊ່ວຍເຫລືອດ້ານກົດໝາຍຂອງສະພາທະນາຍຄວາມ, ຫ້ອງການກົດໝາຍເຄື່ອນທີ່ຂອງສະພາ
ທະນາຍຄວາມ, ຫລືຜ່ານທາງໂທລະສັບສາຍກົງຂອງການຊ່ວຍເຫລືອດ້ານກົດໝາຍ.

ສຳລັບຜູ້ທີ່ຕ້ອງການຢາກໄດ້ຜູ້ຕາງໜ້າດ້ານກົດໝາຍແມ່ນມີໃຫ້ສຳລັບປະຊາຊົນຜູ້ທຸກ
ຫລື ດ້ອຍໂອກາດຢູ່ທີ່ຫ້ອງການຂອງສະພາທະນາຍຄວາມຖ້າທ່ານຫາກຕົກຢູ່ໃນບັນດາ
ເງື່ອນໄຂນີ້, ແລະ ມີຈຸດປະສົງຢາກໄດ້ການຊ່ວຍເຫລືອ ຫລື ຄຳປຶກສາດ້ານກົດໝາຍ, ເຊີນຕິດຕໍ່ໄປຍັງຫ້ອງການໃຫ້ການຊ່ວຍເຫລືອດ້ານກົດໝາຍຂອງສະພາທະນາຍຄວາມ.

ຖ. ຂ້າພະເຈົ້າຕິດຕໍ່ກັບຫ້ອງການໃຫ້ການຊ່ວຍເຫລືອດ້ານກົດ
ໝາຍຂອງສະພາທະນາຍຄວາມໄດ້ແນວໃດ ?
ຕ. ລາຍລະອຽດໃນການຕິດຕໍ່ສຳລັບການບໍລິການດ້ານກົດໝາຍຂອງສະພາທະນາຍ 
ຄວາມ ມີບັນຊີ [ທີ່ນີ້].

ຖ້າຫາກບໍ່ໄດ້ມີໜ່ວຍບໍລິການໃຫ້ການຊ່ວຍເຫລືອດ້ານກົດໝາຍແກ່ທ່ານບ່ອນທີ່ທ່ານຢູ່,
ເຊີນຕິດຕໍ່ຫ້ອງການຊ່ວຍເຫລືອດ້ານກົດໝາຍວຽງຈັນສຳລັບການຂໍຄຳປຶກສາ ຫລືສອບ
ຖາມພະນັກງານສານປະຊາຊົນຫລືໄອຍະການປະຊາຊົນ, ເພຶ່ອຂຽນຈົດໝາຍຫາຫ້ອງການໃຫ້
ການຊ່ວຍເຫລືອດ້ານກົດໝາຍຂອງພວກເຮົາໃນນາມຂອງທ່ານເອງ.

ຖ. ມີເອກະສານຫຍັງແດ່,ທີ່ຂ້າພະເຈົ້າຕ້ອງໄດ້ຖືໄປນຳເພື່ອຮັບ
   ເອົາການຊ່ວຍເຫລືອດ້ານກົດໝາຍ ?
ຕ. ບໍ່ຈຳເປັນຕ້ອງມີເອກະສານພິເສດໃດໆເພື່ອຂໍຄຳປຶກສາດ້ານກົດໝາຍໃນເບື້ອງຕົ້ນ.

ໃນເມື່ອທ່ານຕ້ອງການຢາກໄດ້ຜູ້ຕາງໜ້າໃນການຊ່ວຍເຫລືອດ້ານກົດໝາຍໂດຍພື້ນຖານແລ້ວ,
ທ່ານຈະຕ້ອງໄດ້ຈັດຫາເອກະສານບາງຢ່າງ, ລວມທັງບັດປະຈຳຕົວ. ນອກຈາກນັ້ນທ່ານອາດຍັງ
ຈະຕ້ອງມີໃບຢັ້ງຢືນຈາກຫ້ອງການບ້ານເພື່ອຢັ້ງຢືນວ່າທ່ານເປັນຄົນທຸກຍາກແທ້ ແລະ ບໍ່ມີຄວາມສາມາດຈ່າຍເງິນໃຫ້ທະນາຍຄວາມໄດ້. ເອກະສານອື່ນໆທີ່
ກ່ຽວກັບບັນຫາດ້ານກົດໝາຍ/ຂໍ້ຂັດແຍ່ງ ແລະ ເອກະສານຕ່າງກ່ຽວກັບສານ.

ຖ.ໃຜຈະເປັນຜູ້ຊ່ວຍຂ້າພະເຈົ້າໃນການເຮັດຄຳສະເໜີສຳລັບການຊ່ວຍເຫລືອດ້ານ 
   ກົດໝາຍຂອງສະພາທະນາຍຄວາມ ?
ຕ.ພະນັກງານທີ່ປະຈຳຢູ່ຫ້ອງການໃຫ້ການຊ່ວຍເຫລືອດ້ານກົດໝາຍຈະຊ່ວຍທ່ານໃນການ
ຂຽນຄຳຮ້ອງຂໍຄວາມຊ່ວຍເຫລືອດ້ານກົດໝາຍແລະການບໍລິການທີ່ທ່ານອາດມີສິດໄດ້ຮັບ.

ຖ.ຄະດີປະເພດໃດທີ່ລວມຢູ່ໃນການຊ່ວຍເຫລືອດ້ານກົດໝາຍຂອງສະພາທະນາຍຄວາມ ?
ຕ. ໃນປັດຈຸບັນ, ຫ້ອງການຊ່ວຍເຫລືອດ້ານກົດໝາຍຂອງສະພາທະນາຍຄວາມແມ່ນໃຫ້ຄຳ
ປຶກສາດ້ານກົດໝາຍແລະການເປັນຜູ້ຕາງໜ້າໃນຄະດີແພ່ງ,ອາຍາ, ກຳມະສິດໃນທີ່ດິນ, 
ກົດໝາຍຄອບຄົວແລະບັນດາຂໍ້ຂັດແຍ່ງຕ່າງໆ.

ຖ. ຂ້າພະເຈົ້າມີລາຍໄດ້ຈຳນວນໜຶ່ງແຕ່ບໍ່ພຽງພໍທີ່ຈະຈ່າຍຄ່າແຮງງານແກ່ທະ ນາຍຄວາມໄດ້.
  ຂ້າພະເຈົ້າມີສິດໄດ້ຮັບການຊ່ວຍເຫລືອດ້ານກົດໝາຍຈາກສະພາທະນາຍຄວາມບໍ ?
ຕ. ປະຊາຊົນທົ່ວໄປສາມາດໄດ້ຮັບຄຳປຶກສາດ້ານກົດໝາຍໂດຍບໍ່ເສຍຄ່າທີ່ຫ້ອງການຊ່ວຍ
ເຫລືອດ້ານກົດໝາຍຂອງສະພາທະນາຍຄວາມ, ຫ້ອງການເຄື່ອນທີ່ການຊ່ວຍເຫລືອດ້ານ
ກົດໝາຍ, ຫລືຜ່ານໂທລະສັບສາຍກົງຂອງການຊ່ວຍເຫລືອດ້ານກົດໝາຍ.

ໃນກໍລະນີທີ່ມີຄວາມຈຳເປັນຢາກໄດ້ຜູ້ຕາງໜ້າດ້ານກົດໝາຍນັ້ນແມ່ນຂຶ້ນກັບເງຶ່ອນ
ໄຂຄວາມເປັນຈິງຂອງປະຊາຊົນ ແລະຄວາມສາມາດໃນການຈ່າຍຄ່າແຮງງານໃຫ້ແກ່ທະ
ນາຍຄວາມ,ຫ້ອງການໃຫ້ການຊ່ວຍເຫລຶອດ້ານກົດຫມາຍຈະເປັນຜູ້ພິຈາລະນາເງື່ອນ
ໄຂຂອງທ່ານ ແລະ ຕັດສິນໃຈວ່າຈະໃຫ້ການຊ່ວຍເຫລຶອດ້ານກົດຫມາຍທີ່ບໍ່ເສຍ
ຄ່າໃຫ້ແກ່ທ່ານ.

ຖ. ຂ້າພະເຈົ້າເປັນນັກສຶກສາກົດໝາຍທີ່ວຽງຈັນແລະຂ້າພະເຈົ້າສົນໃຈໃນການເປັນ
    ອາສາສະໝັກຢູ່ຫ້ອງການຊ່ວຍເຫລືອດ້ານກົດໝາຍ. ຂ້າພະເຈົ້າຈະເຮັດແນວໃດ ?
ຕ. ສະພາທະນາຍຄວາມຍິນດີຕ້ອນຮັບແລະຕີລາຄາສູງໃນການປະກອບສ່ວນຂອງນັກ
ສຶກສາກົດຫມາຍໃນໂຄງການຊ່ວຍເຫລືອດ້ານກົດໝາຍຂອງສະພາທະນາຍຄວາມ.
ການປະກອບສ່ວນເປັນວິທີທາງທີ່ມີປະສິດຜົນສູງສຸດສຳລັບນັກສຶກສາໃນກາ
ນຮຽນຮູ້ຕື່ມກ່ຽວ ກັບການເປັນນັກກົດໝາຍແລະໄດ້ຮັບໂອກາດຮຽນຮູ້ຕື່ມ
ກ່ຽວກັບກົດໝາຍ ແລະທັກສະດ້ານກົດໝາຍ.

ສຳລັບຂໍ້ມູນຂ່າວສານເພີ່ມເຕີມກ່ຽວກັບການເປັນອາສາສະໝັກ,
ແລະເບິ່ງໂອກາດອັນໃດທີ່ໃຊ້ໄດ້ສຳລັບການເປັນອາສາສະໝັກກັບສະພາທະນາຍຄວາມ,
ເບິ່ງ [ທີ່ນີ້].

ຖ. ຂ້າພະເຈົ້າຢາກໃຫ້ການບໍລິຈາກດ້ານການເງິນແກ່ຫ້ອງການຊ່ວຍເຫລືອດ້ານກົດ
ໝາຍ. ຂ້າພະເຈົ້າສາມາດເຮັດໄດ້ແນວໃດ ?
ຕ. ເຊີນຕິດຕໍ່ຫ້ອງການຊ່ວຍເຫລືອດ້ານກົດໝາຍຂອງສະພາທະນາຍຄວາມທີ່ວຽງຈັນ, ສຳລັບ
ຂໍ້ມູນຂ່າວສານເພີ່ມເຕີມ, ເຊີນຕິດຕໍ່ລາຍລະອຽດທີ່ມີຢູ່ [ທີ່ນີ້].