ການເປັນສະມາຊິກສະພາທະນາຍຄວາມ
 
1. ການເປັນສະມາຊິກສະພາທະນາຍຄວາມ
ອາຊີບ​ທະນາຍຄວາມຢູ່ໃນ ສປປລາວແມ່ນ​ເປັນ​ອາຊີບ​ທີ່ກຳລັງພົ້ນເດັ່ນ.
​ໃນ​ໄລຍະທີ່ ສປປລາວ ກຳລັງ​ຈະ​ກ່າວ​ເຂົ້າ​ສູ່​ການ​ເປັນສະມາຊິກຂອງອົງ
ການຄ້າໂລກ (WTO) ແລະ​ປະຕິ​ຮູບ​ວຽກ​ງານຍຸຕິທຳ ແລະກົດໝາຍ
ອາຊີບທະນາຍຄວາມຈຶ່ງກາຍເປັນອາຊີບ​ທີ່​ມີ​ຄວາມ​ສຳຄັນ.

ການ​ເຂົ້າເປັນສະມາຊິກສະພາທະນາຍຄວາມທະນາຍຄວາມຈະສາມາດໃນການໃຫ້ຄຳປຶກ
ສາດ້ານກົດໝາຍ ຫລືການເປັນຜູ້ຕາງໜ້າໃຫ້ແກ່ບຸກຄົນ ຫລືນິຕິບຸກຄົນ.

ການເຂົ້າເປັນສະມາຊິກສະພາທະນາຍຄວາມຈະ​ໄດ້​ຮັບຜົນປະໂຫຍດຫລາຍຢ່າງ :
1.    ​ໄດ້​ຮັບ​ການ​ຊ່ວຍ​ເຫ​ລື​ອຈາກເຄືອຂ່າຍຂອງສະພາທະນາຍຄວາມ
2. ​   ໄ​ດ້ຮັບ​ການ​ຝຶກອົບຮົມຈາກ​ສະພາ​ທະນາຍຄວາມ
3.    ໄດ້​ມີ​ສ່ວນຮ່ວມໃນການ​ໃຫ້ການ​ບໍລິການຊ່ວຍເຫລືອດ້ານກົດໝາຍ ແລະການ​ໃຫ້​ຄວາມ
ຮູ້ດ້ານ ກົດໝາຍ​ແກ່​ປະຊາຊົນ
4.    ມີສ່ວນຮ່ວມໃນການ​ເສີມ​ສ້າງວິຊາຊີບ​ທະນາຍຄວາມ​ໃຫ້​ໃຫຍ່ຂະຫຍາຍ​​ໂຕຢູ່ໃນ ສປປ ລາວ.

2. ມາດຖານຂອງການເປັນສະມາຊິກສະພາທະນາຍຄວາມ
​
ເງື່ອນ​ໄຂ​ການເປັນສະມາຊິກສະພາທະນາຍຄວາມປະກອບມີ :
1. ເປັນພົນລະເມືອງລາວ
2. ມີປະກາດສະນິຍະບັດດ້ານກົດໝາຍລະດັບປະລິນຍາ
3. ບໍ່ເຄີຍຖືກສານຕັດສິນລົງໂທດຕັດອິດສະລະພາບມາກ່ອນ, ຍົກເວັ້ນການກະທຳຜິດທີ່ເບົາບາງ
4. ບໍ່ເປັນລັດຖະກອນ
5. ໄດ້​ຜ່ານການຝຶກອົບຮົມດ້ານວິຊາ​ຊີບ​ທະນາຍຄວາມ​ເປັນ​ເວລາ 6 ອາທິດ
ແລະ​ໄດ້​ຜ່ານການຝຶກຫັດຕົວຈິງ​ເປັນ​ເວລາ 9 ເດືອນ ເຊິ່ງຢູ່ພາຍ​ໄຕ້​ການດູແລຂອງ​ທະນາຍຄວາມ​ສົມບູນ.

ບັນດາເອກະສານທີ່ພົວພັນກັບສະພາທະນາຍຄວາມແມ່ນມີພ້ອມ [​ບ່ອນ​ນີ້].

3. ໂຄງການຝຶກງານຂອງສະພາທະນາຍຄວາມ
ກ່ອນ​ຈະ​ເປັນ​ສະມາຊິກສະພາທະນາຍຄວາມ​ໄດ້ຜູ້​ສະໝັກ​ຕ້ອງໄດ້ຜ່ານການຝຶກອົມ​ຮົມ​ວິຊາ​ຊີບ
​ທະນາຍຄວາມເປັນ​ເວລາ 6 ອາທິດ, ນອກຈາກ​ນັ້ນຍັງ​ຈະ​ຕ້ອງໄດ້​ຜ່ານການ​ຝຶກ​ຫັດ​ໃນ​ວຽກ​ຕົວ​
ຈິງໃນ​ໄລຍະ​ເວລາ 9 ເດືອນໂດຍ​ທະນາຍຄວາມ​ສົມບູນຈະ​ເປັນ​ຜູ້ຕິດຕາມ​.

ຫລັງ​ຈາກ​ໄດ້​ຜ່ານການ​ຝຶກ​ພາກ​ທິດ​ສະ​ດີແລະພາກ​ປະຕິບັດ​ຕົວ​ຈິງ​ແລ້ວຖ້າ ສະພາທະນາຍຄວາມ
ຫາກ​ເຫັນວ່າ ຜູ້ເຂົ້າຝຶກ​ອົບຮົມຜູ້​ໃດ​ທີ່​ສາມາດ​ປະຕິບັດ​ໄດ້​ຕາມ​ເງື່ອນ​ໃຂການ​
ປະກອບ​ອາຊີບ​ເປັນ​ທະນາຍ ຄວາມ, ສະພາທະນາຍຄວາມກໍຈະສະເໜີຕໍ່ກະຊວງຍຸຕິທຳເພື່ອ
​ແຕ່ງຕັ້ງເປັນທະນາຍຄວາມສົມບູນ.

ພາຍຫລັງ​ໄດ້​ຮັບ​ການ​ແຕ່ງຕັ້ງ​ເປັນ​ທະນາຍຄວາມ​ສົມບູນ​ແລ້ວຜູ້ກ່ຽວ​ກໍ​ຈະກາຍ​ເປັນສະມາຊິກ
ຂອງສະພາທະນາຍຄວາມເຊິ່ງການຮັບຮອງນີ້ຂຶ້ນກັບກະຊວງຍຸຕິທຳ.

ຝຶກອົບຮົມທັກສະທະນາຍຄວາມ 2009