ການສຶກສາກົດໝາຍແກ່ປະຊາຊົນທົ່ວໄປ ແລະ ການເຂົ້າ​ເຖິງລະບົບຍຸຕິທຳ
1. ການສຶກສາກົດໝາຍໃຫ້ແກ່ປະຊາຊົນທົ່ວໄປ
ໂຄງການໃຫ້ການສຶກສາກົດໝາຍແກ່ປະຊາຊົນທົ່ວໄປຂອງ ສະພາທະນາຍຄວາມແມ່ນມີເປົ້າ ໝາຍໃນການໃຫ້ການສຶກ
ສາແກ່ປະຊາຊົນຂອງສປປລາວກ່ຽວກັບຂອບເຂດ ຂອງບັນຫາດ້ານກົດໝາຍ,
ດ້ວຍການເນັ້ນເຖິງສິດທິມະນຸດແລະຄວາມເປັນໄປ ໄດ້ຂອງການຊ່ວຍເຫລືອດ້ານກົດໝາຍ
ໂດຍຜ່ານໂຄງການນີ້,ສະພາທະນາຍຄວາມສະແຫວງຫາ ໃຫ້ການຊ່ວຍເຫລືອແກ່ປະຊາຊົນທົ່ວໄປ
ເພື່ອໃຫ້ມີຄວາມເຂົ້າໃຈສິດທິດ້ານກົດໝາຍ, ໜ້າທີ່ດ້ານກົດໝາຍ, ທະນາຍຄວາມ ແລະສະພາທະນາຍຄວາມໃຫ້ດີຂຶ້ນ.

ໂຄງການຂອງສະພາທະນາຍຄວາມນຳໃຊ້ຫລາຍຮູບການດ້ານການສື່ສານ,
ໃຫ້ການສຶກສາໂດຍຜ່ານສື່ການຈັດພີມທີ່ງ່າຍໃນການອ່ານ, ທາງວິທະຍຸ
ແລະ ການສະແດງ ອອກທາງລາຍການໂທລະພາບ, ເຊັ່ນດຽວກັນກັບການລົງໄປ
ເຄື່ອນໄຫວໃນແຕ່ລະແຂວງ. ໃນປີ 2008, ໂຄງການຕ່າງໆປະກອບດ້ວຍ:
1. ໂຄງການໃຫ້ການສຶກສາກົດໝາຍຢູ່ສປປລາວໂດຍຜ່ານທາງລາຍການໂທລະພາບ, ຊ່ອງ 3 ເວລາ 4ໂມງແລງທຸກວັນເສົາ.
2. ໂຄງການໃຫ້ການສຶກສາກົດໝາຍຢູ່ສປປລາວທາງວິທະຍຸ (ຄວາມຖີ່ 103.5 ມິກາເຮີດ)ເວລາ
   12:30 ໃນຕອນທີ່ ສອງແລະທີ່ສາມຂອງວັນພະຫັດຂອງແຕ່ລະເດືອນ
3. ຂຽນບົດຄວາມໃນໜັງສືພິມວຽງຈັນໃໝ່ທຸກເດືອນກ່ຽວກັບບັນຫາສຳຄັນດ້ານກົດໝາຍ.
4. ຈັດພີມໃບໂຄສະນາແລະປ້າຍປະກອບຮູບຕ່າງໆ, ທີ່ລວມເອົາຂອບເຂດບັນຫາດ້ານກົດໝາຍ.
ການຄັດເລືອກກິດຈະກຳເຫລົ່ານີ້ມີຢູ່ [ທີ່ນີ້​- ສາຍຕໍ່​ເຖິງເອກະສານ ໜ້າ].
5. ການລົງໄປເຄື່ອນໄຫວໃນຕົວເມືອງຂອງແຕ່ລະແຂວງ, ການຈັດກອງປະຊຸມສຶກສາກົດໝາຍ.
ຖ້າທ່ານຢາກໃຫ້ໂຄງການໄປເມືອງຂອງທ່ານ, ເຊີນຕິດຕໍ່ກັບອຳນາດການປົກຄອງເມືອງຂອງ  
ທ່ານຫລືສະພາທະນາຍຄວາມກໍໄດ້.

ສະພາທະນາຍຄວາມຍິນດີຕ້ອນຮັບແລະຕີລາຄາສູງການມີສ່ວນຮ່ວມຂອງນັກສຶກສາກົດໝາຍ
ໃນໂຄງການໃຫ້ການສຶກສາກົດໝາຍແກ່ປະຊາຊົນທົ່ວໄປ. ຈົ່ງກວດກາວ່າຖ້າມີໂອກາດເໝາະສົມ
ສຳລັບການເຂົ້າມາເປັນອາສາສະໝັກຢູ່ທີ່ສະພາທະນາຍຄວາມຕິດຕໍ່ໂຄງການໃຫ້ການສຶກສາ
ກົດໝາຍແກ່ປະຊາຊົນທົ່ວໄປໃນລາຍລະອຽດການຕິດຕໍ່ທີ່ມີບັນຊີ [ທີ່ນີ້​- ສາຍຕໍ່​ເຖິງການຕິດຕໍ່ພວກເຮົາ ໜ້າ].

ສະພາທະນາຍຄວາມນຳໃຊ້ການສື່ສານ​ທີ່​ມີ​ລັກສະນະ​ເຂົ້າ​ໃຈ​ໄດ້​ງ່າຍ​ແລະບໍ່​ແມ່ນ​ຂຽນບົດ
​ຄວາມທີ່​ມີ ​ລັກສະນະ​ວິຊາ​ການ​ໄປຍັງເຂດຫ່າງໄກທັງນີ້ກໍ​ເພື່ອ​ໃຫ້​ຂໍ້​ມູນ​ຂ່າວສານ​ໄປ​
ເຖິງປະຊາຊົນຢ່າງ​ທົ່ວ​ເຖິງ, ໂດຍສະເພາະຕໍ່​ກັບ​ເຂດຊົນນະບົດບ່ອນທີ່ລະດັບການສຶກສາຕ່ຳ.

2. ການເຂົ້າ​ເຖິງລະບົບຍຸຕິທຳ
ໃນປີ 2005, ລັດຖະບານ ແຫ່ງ ສປປລາວໄດ້ສະເໜີນະໂຍບາຍກ່ຽວກັບລະບົບການປົກຄອງໂດຍ ຊີ້ໃຫ້ເຫັນເຖິງຄວາມປະສົງໃນການດຳເນີນກອງປະຊຸມປະຕິຮູບຍົກລະດັບການປັບປຸງການປົກ
ຄອງໂດຍຜ່ານຄວາມເຂັ້ມແຂງຂອງລະບຽບກົດໝາຍ.

ສ່ວນດ້ານລະບຽບກົດໝາຍ, ເອກະສານໄດ້ເນັ້ນ​ເຖິງຄວາມຮຽກຮ້ອງຕ້ອງການສຳລັບການສ້າງ
ລະບົບໃຫ້ມີປະສິດຕິພາບ, ປະສິດຕິຜົນ, ຍຸຕິທຳ ແລະ ເຂົ້າ​ເຖິງລະບົບຍຸຕິທຳ
ແລະ ຜົນບັງຄົບໃຊ້ສັກສິດຂອງກົດໝາຍ. ຈຸດໜັກແມ່ນໄດ້ວາງໃສ່ຄວາມຮັບຮູ້ຂອງລັດຖະບານໃນການປັບປຸງ
ການເຂົ້າ​ເຖິງລະບົບກົດໝາຍແລະການອອກຂໍ້ຕົກລົງ- ການດຳເນີນການ, ເພື່ອສາມາດເຮັດ
ໃຫ້ພົນລະເມືອງທຸກຄົນປະຕິບັດສິດແລະໜ້າທີ່ຕົນທີ່ບົ່ງໄວ້ໃນລັດຖະ ທຳມະນູນຢ່າງເຕັມສ່ວນ.

ສ່ວນໜຶ່ງຂອງໂຄງການນີ້, ສະພາທະນາຍຄວາມ ແຫ່ງ ສປປ ລາວໄດ້ເລີ່ມປະຕິບັດວຽກການ
ສຳຫຼວດ “ຄວາມຄິດເຫັນຂອງປະຊາຊົນກ່ຽວກັບການເຂົ້າເຖິງຄວາມຍຸຕິທຳ” ໃນປີ 2009.
ການສຳຫຼວດດັ່ງກ່າວ (ກຳນົດຈະໃຫ້ສຳເລັດໃນກາງປີ 2010) ຈະເປັນລະບົບທຳອິດ ແລະ ການສຶກສາຄົ້ນຄວ້າຮອບດ້ານກ່ຽວກັບການເຂົ້າເຖິງຄວາມຍຸຕິທຳຢູ່ ສປປ ລາວ. ໂດຍສະເພາະ, ການສຳຫຼວດດັ່ງກ່າວນີ້ຈະຊ່ວຍຕອບສະໜອງຂໍ້ມູນທີ່ມີຄຸນຄ່າກ່ຽວກັບການເຂົ້າເຖິງ
ຄວາມຍຸຕິທຳສຳລັບຄົນທຸກຍາກ, ຜູ້ດ້ອຍໂອກາດ ແລະ ຜູ້ທີ່ຢູ່ຫ່າງໄກສອກຫຼີກ, ຢູ່ຊົນນະບົດຊຶ່ງໃນນັ້ນມີຊົນຊາດຊົນເຜົ່າ,, ແມ່ຍິງ ແລະ ເດັກນ້ອຍຄືກັນກັບປະເທດ ອື່ນໆພາຍໃນຂົງເຂດໄດ້ດຳເນີນການສຳຫຼວດມາແລ້ວ, ເຊັ່ນ:ຫວຽດນາມ ແລະ ກຳປູເຈ່ຍ.

ສະພາທະນາຍຄວາມ ແຫ່ງ ສປປ ລາວກຳລັງເຮັດວຽກຢ່າງໄກ້ສິດກັບທີ່ປຶກສາ, ອົງການ ສປຊ
ແລະ ປຶກສາຮ່ວມກັບກະຊວງຍຸຕິທຳ, ສານ, ຫ້ອງການໄອຍະການ ແລະ ພາກສ່ວນ ອື່ນໆ ທີ່ກ່ຽວຂ້ອງກ່ຽວກັບການສຳຫຼວດຊຶ່ງຈະເກັບກຳຂໍ້ມູນຈາກປະຊາຊົນມີການດຳລົງ
ຊີວິດຄືແນວໃດ ແລະ ໄດ້ມີການຮັບຮູ້ກ່ຽວກັບລະບົບຍຸຕິທຳຄືແນວໃດ.