ຄຳກ່າວຕ້ອນຮັບສູ່ ສະພາທະນາຍຄວາມ ລາວໂດຍ ທ່ານ ພູມີ ສີອຸດົມພັນ
ປະທານສະພາທະນາຍຄວາມ ລາວ.

ຂ້າພະເຈົ້າມີຄວາມຍິນດີໃນການຕ້ອນຮັບທ່ານເຂົ້າສູ່
ເວັບໄຊ ຂອງສະພາທະນາຍຄວາມ ລາວ. ສະພາທະນາຍຄວາມລາວ
ເປັນອົງການຈັດຕັ້ງທີ່ມີຄວາມສຳຄັນຫລາຍ ແລະ
ບັນດາທະນາຍ ຄວາມລາວເຮັດວຽກນຳກັນເພື່ອປົກປ້ອງ
ສິດທິຕ່າງໆຂອງພົນລະເມືອງລາວ.

ພາຍຫລັງໄດ້ຮຽນຈົບດ້ານກົດຫມາຍ ຂ້າພະເຈົ້າໄດ້ເຮັດ
ວຽກຢູ່ກະຊວງຍຸຕິທຳເປັນໄອຍະການປະຊາຊົນລະດັບອາ
ວຸໂສ ຈາກນັ້ນຂ້າພະເຈົ້າໄດ້ເຂົ້າໃຈເຖິງຄວາມສຳຄັນ
ຂອງບົດບາດຂອງທະນາຍຄວາມທີ່ສັງກັດກັບພາກສ່ວນເອ
ກະຊົນ. ເມື່ອຂ້າພະເຈົ້າໄດ້ຫມົດກະສຽນອອກຈາກວຽກ
ຢູ່ກະຊວງຍຸຕິທຳແລ້ວຂ້າພະເຈົ້າໄດ້ຮັບເຊີນໃຫ້ ເປັນປະທານສະພາທະນາຍຄວາມລາວ.

ຂ້າພະເຈົ້າມີຄວາມເຊື່ອວ່າວຽກງານອາຊີບທະນາຍຄວາມມີອະນາຄົດທີ່ດີ
ທັງມີຄວາມຫວັງຈະເຫັນ ອົງການສະພາທະນາຍຄວາມ ລາວ ກາຍເປັນອົງການຈັດຕັ້ງທີ່
ມີຄວາມເປັນເອກະລາດ ແລະ ເຄື່ອນໄຫວຢ່າງຕັ້ງຫນ້າຫລາຍຂຶ້ນ.

ຂ້າພະເຈົ້າມີຄວາມປິທິຍິນດີທີ່ນັກສຶກສາທີ່ຈົບຫລັກສູດດ້ານກົດຫມາຍຫລາຍຄົນ
ໄດ້ເລືອກອາຊີບເປັນທະນາຍຄວາມ ແລະ ເຂົ້າເປັນສະມາຊິດຂອງ ອົງການສະພາທະນາຍຄວາມ, ຂ້າພະເຈົ້າຕັ້ງໃຈຖ້າເຮັດວຽກປະສານສົມທົມກັບພວກເຂົາເຈົ້າໃນຖານະເປັນຜູ້ຮ່ວມງານ
ປະກອບອາຊີບໃນວຽກງານດ້ານທະນາຍຄວາມໃນເວລາຕໍ່ໄປ.